ਪੁੱਤਰ ਦਾ ਵਿਆਹ ਕਰਨ ਦਾ ਮਾਪਿਆਂ ਨੂੰ ਬਹੁਤ ਜ਼ਿਆਦਾ ਚਾਅ ਹੁੰਦਾ ਹੈ। ਆਪਣੇ ਪੁੱਤਰ ਦੇ ਵਿਆਹ ਤੇ ਮਾਪੇ ਖੂਬ ਖੁਸ਼ੀ ਮਨਾਉਂਦੇ ਹਨ ਪਰ ਜੇ ਵਿਆਹ ਤੋਂ ਪਹਿਲਾਂ ਪੁੱਤਰ ਹੀ ਸਦੀਵੀ ਵਿਛੋੜਾ ਦੇ ਜਾਵੇ ਤਾਂ ਮਾਤਾ ਪਿਤਾ ਕਿਧਰੇ ਜੋਗੇ ਨਹੀਂ ਰਹਿੰਦੇ। ਹਰਿਆਣਾ ਦੇ ਪਾਣੀਪਤ ਦੀ ਥਰਮਲ ਪਾਵਰ ਕਲੋਨੀ ਦੇ ਬਾਹਰ ਖੰਡਰ ਵਿੱਚ 28 ਸਾਲ ਦੇ ਇੱਕ ਨੌਜਵਾਨ ਪ੍ਰਕਾਸ਼ ਦੁਆਰਾ ਲਮਕ ਕੇ ਆਪਣੀ ਜਾਨ ਦੇ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਪੁਲਿਸ ਮਾਮਲੇ ਨੂੰ ਟਰੇਸ ਕਰਨ ਵਿੱਚ ਜੁਟੀ ਹੋਈ ਹੈ। ਮਿਰਤਕ ਦੇਹ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ। ਘਟਨਾ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਮਿਰਤਕ ਨੌਜਵਾਨ ਪ੍ਰਕਾਸ਼ 5 ਸਾਲ ਬਾਅਦ ਕੈਨੇਡਾ ਤੋਂ ਆਇਆ ਸੀ। ਇੱਥੇ ਉਹ ਆਪਣੇ ਮਾਮੇ ਦੇ ਘਰ ਆਇਆ ਹੋਇਆ ਸੀ।
ਜੋ ਪਾਵਰ ਸਟੇਸ਼ਨ ਵਿੱਚ ਡਿਊਟੀ ਕਰਦਾ ਹੈ। ਪ੍ਰਕਾਸ਼ ਦਾ ਪਿਤਾ ਸ਼ਿਵ ਕੁਮਾਰ ਵੀ ਪਹਿਲਾਂ ਇੱਥੇ ਹੀ ਨੌਕਰੀ ਕਰਦਾ ਸੀ ਪਰ ਉਹ ਅਕਤੂਬਰ 2022 ਵਿੱਚ ਸੇਵਾ ਮੁਕਤ ਹੋ ਗਿਆ ਸੀ। ਪ੍ਰਕਾਸ਼ ਮੂਲ ਰੂਪ ਵਿੱਚ ਨੇਪਾਲ ਦਾ ਵਾਸੀ ਹੈ। ਉਹ ਆਪਣੇ ਰਿਸ਼ਤੇ ਦੇ ਚੱਕਰ ਵਿੱਚ ਮਹੀਨਾ ਪਹਿਲਾਂ ਕੈਨੇਡਾ ਤੋਂ ਆਇਆ ਹੈ। ਉਸ ਦਾ ਰਿਸ਼ਤਾ ਹੋ ਗਿਆ ਸੀ ਅਤੇ ਇੱਕ ਮਹੀਨੇ ਤੱਕ ਵਿਆਹ ਵੀ ਹੋਣ ਵਾਲਾ ਸੀ।
ਉਹ ਰਾਤ ਨੂੰ ਘਰ ਤੋਂ ਕਿਧਰੇ ਚਲਾ ਗਿਆ ਅਤੇ ਵਾਪਸ ਨਹੀਂ ਮੁੜਿਆ। ਉਸ ਦੀ ਭਾਲ ਕੀਤੀ ਜਾ ਰਹੀ ਸੀ। ਉਸ ਦੀ ਮਿਰਤਕ ਦੇਹ ਖੰਡਰ ਨਾਲ ਲਟਕਦੀ ਹੋਈ ਮਿਲੀ। ਜਿਸ ਦੀ ਪੁਲਿਸ ਨੂੰ ਇਤਲਾਹ ਦਿੱਤੀ ਗਈ। ਪੁਲਿਸ ਨੇ ਮਿਰਤਕ ਦੇਹ ਕਬਜ਼ੇ ਵਿੱਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤੀ ਹੈ ਅਤੇ ਕਾਰਵਾਈ ਕੀਤੀ ਜਾ ਰਹੀ ਹੈ।
