ਅੱਜਕੱਲ੍ਹ ਹਾਲਾਤ ਅਜਿਹੇ ਹਨ ਕਿ ਛੋਟੇ ਬੱਚੇ ਵੀ ਮਾਤਾ ਪਿਤਾ ਦੀ ਘੂਰ ਘੱਪ ਨਹੀਂ ਸਹਿੰਦੇ। ਕੋਈ ਸਮਾਂ ਸੀ ਜਦੋਂ ਮਾਤਾ ਪਿਤਾ ਆਪਣੇ ਜਵਾਨ ਧੀਆਂ ਪੁੱਤਰਾਂ ਨੂੰ ਵੀ ਘੂਰ ਦਿੰਦੇ ਸਨ। ਬੱਚੇ ਆਪਣੇ ਮਾਪਿਆਂ ਅੱਗੇ ਕੁਸਕਦੇ ਨਹੀਂ ਸਨ ਪਰ ਦਿਨ ਪ੍ਰਤੀ ਦਿਨ ਸਮਾਂ ਬਦਲ ਰਿਹਾ ਹੈ। ਹੁਣ ਹੁਸ਼ਿਆਰਪੁਰ ਦੇ ਨਿਊ ਦੀਪ ਨਗਰ ਤੋਂ ਅਜੀਬ ਜਿਹਾ ਮਾਮਲਾ ਸੁਣਨ ਵਿੱਚ ਆਇਆ ਹੈ।
ਇੱਥੇ 9 ਸਾਲ ਦਾ ਬੱਚਾ ਅਮਨ ਇਸ ਕਰਕੇ ਘਰੋਂ ਕਿਧਰੇ ਚਲਾ ਗਿਆ ਕਿਉਂਕਿ ਉਸ ਦੇ ਪਿਤਾ ਨੇ ਉਸ ਨੂੰ ਸ਼ਰਾਰਤਾਂ ਕਰਨ ਤੋਂ ਵਰਜਿਆ ਸੀ। ਬੱਚਾ ਆਪਣੇ ਕੱਪੜੇ ਵੀ ਬੈਗ ਵਿੱਚ ਪਾ ਕੇ ਲੈ ਗਿਆ ਹੈ। ਮਿਲੀ ਜਾਣਕਾਰੀ ਮੁਤਾਬਕ 9 ਸਾਲਾ ਲੜਕਾ ਅਮਨ ਪੁੱਤਰ ਨਵਾਬ ਮੁਹੱਲਾ ਗੋਕਲ ਨਗਰ ਦੇ ਸਰਕਾਰੀ ਸਕੂਲ ਵਿੱਚ ਤੀਸਰੀ ਜਮਾਤ ਵਿੱਚ ਪੜ੍ਹਦਾ ਹੈ।
ਅਮਨ ਦੇ ਅਧਿਆਪਕ ਨੇ 3 ਤਾਰੀਖ ਨੂੰ ਉਸ ਦੇ ਪਿਤਾ ਨੂੰ ਫੋਨ ਕਰਕੇ ਕਿਹਾ ਕਿ ਉਨਾਂ ਦਾ ਪੁੱਤਰ ਅਮਨ ਸ਼ਰਾਰਤਾਂ ਬਹੁਤ ਕਰਦਾ ਹੈ। ਇਸ ਲਈ ਉਹ ਸਕੂਲ ਵਿੱਚ ਆਉਣ। ਨਵਾਬ ਆਪਣੇ ਪਿੰਡ ਗਿਆ ਹੋਇਆ ਸੀ। ਉਸ ਨੇ ਫੋਨ ਤੇ ਅਮਨ ਨੂੰ ਘੂਰਿਆ। ਅਗਲੇ ਦਿਨ 4 ਤਾਰੀਖ ਨੂੰ ਅਮਨ ਸਕੂਲ ਤੋਂ ਘਰ ਆਇਆ ਅਤੇ ਆਪਣੇ ਬੈਗ ਵਿੱਚ ਕੱਪੜੇ ਪਾ ਕੇ ਘਰੋਂ ਕਿਧਰੇ ਚਲਾ ਗਿਆ।
ਪਰਿਵਾਰ ਨੇ ਉਸ ਦੀ ਭਾਲ ਕੀਤੀ ਪਰ ਉਹ ਕਿਧਰੇ ਵੀ ਦਿਖਾਈ ਨਹੀਂ ਦਿੱਤਾ। ਪਰਿਵਾਰ ਨੇ ਪੁਲਿਸ ਨੂੰ ਮਾਮਲੇ ਦੀ ਜਾਣਕਾਰੀ ਦੇ ਦਿੱਤੀ ਹੈ। ਪੁਲਿਸ ਨੂੰ ਸੀਸੀਟੀਵੀ ਦੀ ਫੁਟੇਜ ਤੋਂ ਜਾਪਦਾ ਹੈ ਕਿ ਬੱਚਾ ਆਪਣੀ ਮਰਜੀ ਨਾਲ ਗਿਆ ਹੈ। ਪੁਲਿਸ ਬੱਚੇ ਦੀ ਭਾਲ ਕਰ ਰਹੀ ਹੈ। ਪੂਰੀ ਜਾਣਕਾਰੀ ਲਈ ਹੇਠਾਂ ਦੇਖੋ ਇਸ ਮਾਮਲੇ ਨਾਲ ਜੁੜੀ ਵੀਡੀਓ ਰਿਪੋਰਟ
